PRELEGO DE HENRI ROUSSEAU
La 4an de februaro, klubano nia
Henri Rousseau prelegis dum pri siaj
« REMEMORAĴOJ PRI ESPERANTO EN MADAGASKARO. 1958-1963 ».
Li kaptis la atenton de la
kursanoj per belaj lumbildoj kaj tre precizaj informoj pri historio nun
grandparte forgesita. Kiel li asertas en sia tiutema broŝureto*, « Verŝajne
mi estas nun la nura persono kiu povas rakonti la Historion de la esperantista
movado en Madagaskaro de 1958 ĝis 1963. Mi estas 84 jaraĝa, kaj ĉu, ĉar mi
ludis ioman rolon en la afero, mi devas silenti kaj forporti kunn mi miajn
rememorojn ? Ili povos interesi eventualajn esperantistojn, nunajn aù
estontajn, madagaskarajn aù alilokajn, sed ankaù ili ebligos ke aliaj personoj
krom mi, kiuj ankaù ludis rolon, ne komplete malaperu en la definitiva silento
de la pasinteco ».
En 1958, post plurjara laborado
en Maroko kie li ankaù instruis esperanton, Henri, tiam 30 jaraĝa, ricevis inĝenieran
postenon en Madagaskaro en la servo pri aerodromaj instalaĵoj. Li tuj kontaktis
la lokajn esperantistojn kaj kun ili starigis plensukcesajn kursojn kiuj
interesis plurcentojn da lernantoj. Multaj homoj entuziasmiĝis kaj trapasis
ekzamenojn. En Tananarivo, en 1962, oni donis la nomon « Zamenhof »
al strato. Vigle partoprenis la aferon ministro, instruistoj, studentoj kaj
kamparanoj. Sed tiu nova movado rapide travivis ankaù malfacilaĵojn.
De 1974, Henri loĝas apud Caen
kie li gvidis kursojn, partoprenis multajn aranĝojn kaj regule partoprenas la
vivon de Hérouville Espéranto.
*Rememoraĵoj pri esperanto en
Madagaskaro. 1958-1963. 2012. Verkis kaj eldonis Henri Rousseau.
Foto 1 : la estraro de EAM en 1962 (de maldekstre) : Maurice Bourgeois,Gervais Randrianasolo, Frédéric Rasoanaivo, Probe Razanabaoaka, Roger Randrianekena, Henri Rousseau.
Foto 2 : Pikniko, 1962. Dekstre, sinjorino Rousseau.
Foto 3 : Edmond Randrianoro, kamparano kaj esperantisto. 1959.
